विज्ञले ल्याए एड्सको उपचारको सम्भावना

एजेन्सी –अष्ट्रेलियन अनुसन्धानकर्ताहरुले भर्खरै एचआइभी भएको मानिसको शरीरमा प्रोटिनलाई कसरी परिवर्तन गर्ने भन्ने बारेको उपाय फेला परेको बताएका छन् । यहि उपायलाई आधार मानेर एड्स लागेको व्यक्तिलाई उपचार गर्ने सकिने अनुसन्धानकर्ताहरु बताउँछन् । क्विन्सल्याण्ड इन्सटिच्युट अफ मेडिकल रिसर्चका अनुसन्धानकर्ता डेभिड ह्यारिचका अनुसार, प्रोटिनलाई परिवर्तन गर्न सकिन्छ त्यसकारण यसले खतरनाक इन्फेक्सनबाट शरिरलाई जोगाउँछ । ‘म यसलाई आगोसँग आगो नै लिएर खेलिएको खेल भन्न रुचाउँछु । हामीले एउटा साधारण भाइरस प्रोटिनलाई लिएका छौँ । यसमा भाइरसको आकार र क्षमता दुबैमा बृद्धि हुनु जरुरी छ, त्यसपछि यसलाई प्रोटिनमा परिवर्तन गरिन्छ । उक्त प्रोटिनले भाइरसलाई सघाउनुभन्दा भाइरसले क्षती पुर्याएको ठाउँमा मलम लगाउने काम गर्दछ र यो काम यसले सशक्त रुपमा गर्नेछ, ’ह्यारिचले जानकारी दिए । परिवर्तन गरिएको प्रोटिनले एचआइभी निको त पार्दैन तर ल्याब्रोटरीमा यसले मानिसको तन्तुलाई एड्सबाट भने टाढा नै राखेको छ, उनले थपे । ‘यो थेरापीले एड्स रोगको उपचार गर्न सक्छ तर एचआइभी इन्फेक्सनको उपचार भने गर्न सक्दैन तैपनि अन्त्यमा यसले रोग भने निर्मुल पार्न सक्दछ, ’ उनले भने । अस्ट्रेलियामा ३०,००० भन्दा बढि मानिसहरु एचआइभीबाट संक्रमित छन् । नयाँ उपचार पद्धतिले एचआइभी भएका मानिसको जीवनमा सकारात्मक असर पुर्याउने उनको दाबी छ । ‘ मेरो बिचारमा मानिसहरुले हाँसी, खुसीको साधारण जीवन बाँच्नका लागि एउटा माध्यम खोजेका हुन्छन् । एचआइभी भइसकेका मानिसहरुले साधारण जीवन बाँच्नका लागि कि त तपाईंले भाइरको इन्फेक्सनलाई हटाउनु पर्ने हुन्छ, कि त तपाईंले रोगलाग्ने क्रमलाई नै भंग गर्नसक्नुपर्छ । हो, यहि कुराहरु नै यो उपचार पद्धतीले गर्छ, धेरै समयसम्मका लागि,’ ह्यारिचले भने ।