इजिप्टमा बेलुन दुर्घटना हुँदा १९ जना पर्यटकको मृत्यु

फागुन १५(एजेन्सी) इजिप्टको लुजोर शहर नजिकै भएको बेलुन दुर्घटनामा १९ जना विदेशी पर्यटकको मृत्यु भएको छ । मृत्यु हुनेमा बेलायत, फ्रान्स, हङकङ र जापानका नागरिक रहेका छन् । बेलुन ३०० मिटर माथि उडिरहेको अवस्थामा आगो लागेर विष्फोट भई लुजोर क्षेत्रमा खसेको बिबिसीले जनाएको छ । प्रत्यक्षदर्शीका अनुसार बेलुनबाट केही मानिसहरु हाम्फालेका छन् । बेलुनका पाइलट र अरु दुई जना हाम्फालेर बाँच्न सफल भएका छन् । इजिप्ट प्रहरीका अनुसार मृत्यु हुनेमा ९ जना हङकङका, ४ जना जापानका, २ जना बेलायतका र २ जना फ्रान्सका नागरिक हुन् । अन्यको भने पहिचान हुन सकेको छैन ।