मोबाइल चार्ज गर्दा घरमा आगो लाग्यो

फागुन २३ भोजपुर, सोलार पावरको व्याट्रीबाट मोवाइल चार्ज गर्न खोज्दा भोजपुरको खाट्मा गाविसस्थित एक व्यक्तिको घरमा आगलागी भएको छ । स्थानीय देवीप्रसाद विश्वकर्माको घरमा गएराति सोलार पावरको व्याट्रीबाट सिधै मोवाइल चार्ज गर्दा पड्किएर आगलागी भएको हो । आगलागीबाट लाखौंको धनमाल नष्ट भएको छ । आगलागीबाट घरमा रहेका धनमाल, अन्नबाली, लत्ताकपडा लगायत सामग्री जलेको स्थानीयले जानकारी दिएका छन् ।