सत्य निरुपण तथा मेलमिलाप आयोग गठनमा सहमति

फागुन २८ काठमाडौ, प्रमुख चार दलका शीर्ष नेताहरुबीच सत्य निरुपण तथा मेलमिलाप आयोग गठनमा सहमति भएको छ । सेना समायोन विशेष समितिको कार्यालय नयाँ बानेश्वरमा करीब चार घण्टासम्म चलेको बैठकमा सत्य निरुपण तथा मेलमिलाप आयोग गठनमा सहमति भएको नेताहरुले बैठकपछि प्रतिक्रिया दिएका छन् । बाँकी विषयमा छलफल गर्न मंगलबार बिहान ११ बजे चार दलकने बैठक बोलाइएको छ । यस्तै अपरान्ह चार बजे सर्वदलीय बैठक बोलाइएको छ । सत्य निरुपण तथा मेलमिलाप आयोग गठनमा सहमति भएपनि दलहरुबीच नागरिकता, निर्वाचन प्रणाली, लडाकुको दर्जा निर्धारण लगायतका विषयमा विवाद छ । यसअघि चार दलका शीर्ष नेताहरुले प्रधानन्यायाधीश खिलराज रेग्मीसँग भेट गरेका थिए । चार दलले तयार पारेको बाधा अड्काउ फुकाउको मस्यौदा अध्ययनपछि प्रधानन्यायाधीश रेग्मीले चार दलका शीर्ष नेताहरुसँग छलफल यरेका हुन्। रेग्मी निवास बालुवाटारमा भएको छलफल सकारात्मक भएको बताइएको छ । प्रधानन्यायाधीशलाई सरकारको नेतृत्व हस्तान्तरण गर्न चार दलले २४ बुँदे बाधा अड्काउ फुकाउको मस्यौदा बनाएका थिए ।