असारमा चुनाव नभए सरकारको दोष हुँदैनः नेपाल

काठमाडौं, चैत ३१–नेकपा एमालेका वरिष्ठ नेता माधवकुमार नेपालले असारमा चुनाव हुन नसके अन्तरिम चुनावी मन्त्रिपरिषदको कुनै दोष नहुने बताएका छन् । उनले सरकारलाई उच्चस्तरीय राजनीतिक समितिले नियन्त्रण र हस्तक्षेप गरेको संकेत गरे । ललितपुरमा शनिबार भएको एक कार्यक्रममा नेता नेपालले चुनावी सरकारलाई स्वतन्त्र र सहजरुपमा काम गर्न दिनुपर्ने धारणा राखे । उनले वर्तमान सरकारलाई दलीय भागबण्डाको शिकार बनाउन नहुनेमा समेत जोड दिए । उच्चस्तरीय राजनीतिक समितिमा सरकारको विरोध गरिरहेकाहरुलाइ पनि समेटेर नयाँ चुनाव सम्पन्न गर्न सबै दलको सहभागिता सुनिश्चित गर्नुपर्ने नेपालको भनाइ छ ।