अनियमित बिद्युत कटौतिले बुुटवलबासी हैरानी

कपिल ज्ञवाली   साउन ९,बुटवल   बुटवल क्षेत्रमा नेपाल बिद्युत प्राधिकरणले सार्वजनिक गरेको लोडसेडिङ तालिका भन्दा बढि नै लोडसेडिङ हुने गरेको छ ।

उतिखेर लाईन जाने र आउने समस्याले उपभोक्ताहरु मर्कामा परेका छन् । बिद्युत अनियमित हुदा धेरैजसो बिद्युतिय उपकरणमा नोक्सानी पुग्ने गरेको छ । ग्रिड फिडर महाशाखा योगिकुटीमा रहेको ट्रान्सफर्मर जलेपछि त्यसको मर्मत नहुदा विद्युत अनियमित भएको हो । उक्त ट्रान्सफर्मर एक महिना अघि देखि नै मर्मतका लागि बाहिर पठाइएको ग्रिड शाखा बुटवलका प्रमुख राजेन्द्र मिश्रले बताउनुभयो । उहा“ले अहिले धान्दासम्म विद्युत वितरण गरेको बताउदै पूर्णरुपमा त्यसको कार्यान्वयन हुन एक महिना लाग्ने छ ।

ट्रान्सफर्मर मर्मत गर्न एक महिना लाग्ने भएकाले प्राधिकरणले तोके अनुसार विद्युत सेवा प्रवाह हुन अझै एक महिना लाग्ने बताइएको छ । विद्युत् प्राधिकरणले साउन १ गतेदेखि लागु हुने गरि लोडसेडिङ दैनिक सा“ढे तीन घन्टामा झारेको हो । तर, उपभोक्ताहरुले भने तालिका एउटा निकालेर अर्के समयमा विद्युत काटेकोमा आपत्ति जनाएका छन् । यता विद्युत प्राधिकरणका प्रमुख मुन्निलाल ठाकुरले अर्को ट्रान्सफर्मर ल्याइसकेको बताउदै स्थानीय ट्रान्सफर्मर राख्नका लागि ठाउ नदिएकाले समस्या दोहरिएको दावी गर्नुभयो ।