एमाओवादीद्धारा संविधानसभाबाट अलग हुने घोषणा
विभिन्न स्थानको उदाहरण दिँदै उनले भने ‘मतपेटिकाहरु लुकाएर अन्त राखियो । काठमाडौं ९ मा दुर्घटना भयो भनियो, भएकै होइन । चार घण्टा लुकाएर राखियो । ४ मा मतपेटिकाको खसेको भन्दा बढी मत देखियो । सिन्धुपाल्चोकमा हाम्रा प्रतिनिधिको मोटरसाइकलको हावा खुस्काएर मतपेटिकासम्म पुग्न दिइएन । देशभरी यस्ता घटना देखिएपछि हामीलाई के लाग्यो भने यसको पुनरावलोकनका लागि आफ्नो कुरा राख्नुपर्छ । यसलाई सकारात्मक ढंगले लिनेछन् भन्ने हामीलाई विश्वास छ ।’ उनले सरकार, राजनीतिक दल र निर्वाचन आयोगले यसलाई सकारात्मक रुपमा नलिए संविधानसभामा रहँदैनौं भने ।
उचबअजबलमब बलम दबदगचबmतर, १२ बुँदे र शान्ति सम्झौताप्रति प्रतिवद्व रहँदै शान्तिपूर्ण राजनीतिमा रहेर दलहरुसँग सहकार्य गर्ने उनले प्रतिबद्धता जनाए । परिणाम हेरेर आफूहरुले निर्वाचनको मतगणना रोक्न माग नगरेको पनि उनले स्पष्ट पारे । उनले नेकपा माओवादीसँग परिवर्तनका पक्षमा एकता हुन सक्ने समेत बताए । ‘यो देशमा यसरी नै षड्यन्त्र गरेर अग्रगमनको बाटो रोक्न खोजियो भने बैद्यजी लगायत जो जो परिर्वतनका पक्षमा छन्, उनीहरुसँग एकता हुन्छ ।’ प्रचण्डले भने ।
एमाओवादीले वक्तब्यमा निर्वाचनको सिलसिलामा देशव्यापी रुपमा योजनाबद्ध ढंगले दृश्य र अदृश्य धाँधलीका रुपहरु अपनाइएको, ठूलो मात्रामा आर्थिक चलखेलहरु भएको, मतपेटीकाहरु सार्ने क्रममा रहस्यमय हर्कतहरु भएको, सिल तोडिएका मतपेटीकाहरुलाई समेत स्वीकार्न पर्ने निर्देशन गरिएको, मतगणनाको क्रममा अस्वभाविक ढंगले राखिएका मतपत्रहरुको संख्या र स्वरुप फेला परेको आदि घटनाले यो निर्वाचन प्रक्रिया जनताको अभिमत र अपेक्षा विपरित धाँधलीपूर्ण र षड्यन्त्रमूलक रहेको उल्लेख गरिएको छ ।
यस्तै वर्तमान निर्वाचन प्रक्रियालाई स्थगन गरी समग्र प्रक्रियाको पुनरावलोकन र निष्पक्ष छानविन गरेर मात्र अगाडिको कदम निर्धारण गर्नुपर्ने माग गरिएको छ ।
एमाओवादीले गएराति देखिनै मतगणना प्रक्रियाबाट अलग भएको बताइसकेको छ ।
0 comments
तपाईंको प्रतिकृया