मंगल ग्रह जानको लागी एक हजार ५८ जना छानिए

काठमाडौं, १९ पुस (एजेन्सी) मंगल ग्रहको यात्रामा जाने मध्ये पहिलो चरणमा एक हजार ५८ जनाको छनोट गरिएको छ ।
 नेदरल्याण्डको ‘मार्स वान’ ले सुरु गरेको यो अभियानमा सहभागी हुन १ सय ४० देशका २ लाख जनाले आवेदन दिएका थिए । उनीहरुबाट एकहजार ५८ जना छनोट गरिएको डेलीमेलले जनाएको छ ।

छनोट भएका मध्ये ५ सय ८६ पुरुष र ४ सय ७२ महिला छन् । जसमध्ये ३ सय ५७ जना २५ वर्ष भन्दा मुनिका छन् ८१ वर्षका पुरुष सबैभन्दा बढी उमेर भएका व्यक्ति छन् ।भने सन् २०२३ मा हुने एकतर्फी ‘मार्स वान’ नामक यात्रामा पहिलो चरणमा चार पुरुष र महिला पठाइनेछ ।

 मंगल ग्रहमा जानका लागि १ सय ७ देशमा सबैभन्दा बढी अमेरिकाबाट २ सय जना, क्यानडाबाट ७५, भारतबाट ६२ र रुसबाट ५२ जना, अष्ट्रेलियाबाट ४३, चीनबाट ४०, बेलायतबाट ४० जना छन् । ती मध्ये २ सय १८ जना  एसियाली राष्ट्रका छन् ।

मंगल ग्रहमा जानको लागि ८ जना नेपालीले पनि आवेदन दिएका थिए । नामावली सार्वजनिक नगरेकोले नेपाली परे कि परेनन् भन्ने खुल्न सकेको छैन ।

मार्स वानका अनुसार मंगल ग्रहको यात्राका लागि ८ जना नेपालीले आवेदन दिएका थिए । आवेदन दिनेमा प्रकाश सुवेदी, केशव पाण्डे, सम्राट कार्की, दिवस श्रेष्ठ, समिर न्यौपाने, मदनकुमार दाहाल लगायत थिए ।
 यी मध्ये धेरै नेपालमा जन्मिएर विदेशमा व्यवसाय गर्दै गरेका रहेका छन् ।
मार्स वानका संस्थापक बस लान्सडोपले पहिलो चरणमा छनोट नभएकाहरुलाई इमेल गरि जानकारी गराएइको र फेरि आवेदन दिन सक्ने बताएका छन् ।
 छनोट भएकाहरुको सन् २०१५ को अन्त्यसम्म  परीक्षण हुनेछ । परीक्षण अवधिभर मंगल ग्रहको जस्तै वातावरणमा बस्नुपर्नेछ । सन् २०१८ मा मानवरहित यान पठाइनेछ भने त्यसपछि मात्र मानिसलाई यात्रामा पठाइने मार्स वानले जनाएको छ ।