ऐतिहासिक मौलिक नेपाली चलचित्र झोलाको बिशेष च्यारिटि सो हुने

सामाजिक कथा वस्तुमा आधारित ऐतिहासिक मौलिक नेपाली चलचित्र झोलाको बिशेष च्यारिटि सो नेपालगञ्जमा हुने भएको छ । बासले यहि माघ १६ गते शहिद दिवसका दिन उक्त प्रदर्शनी गर्न लागेको हो ।

साहित्यकार कृष्ण धारावासीको लेखन र यादव कुमार भट्टराईको निर्देशनमा निर्मित झोलालाई इतिहासबोध भएको मार्मीक र अर्थपूर्ण फिल्मको रुपमा चर्चा गरिएको छ । नेपाली फिल्म इतिहासमै केहि उत्कृष्ट दृश्यहरु दिईएको चलचित्र झोला बागेश्वरी चलचित्र मन्दिर नेपालगञ्जमा बिशेष प्रदर्शनि गर्न थालिएको हो । सय बर्ष अघिको इतिहास सजिव र मार्मीक ढंगले उतार्न सफल चलचित्र झोला अहिले नेपाली चलचित्र जगतमा बिशेष चर्चा र समिक्षाको रुपमा उभिएको छ । झोलालाई नेपाली फिल्मको इतिहासको ऐनामा एउटा शक्तिशाली रुमालको रुपमा बुझिएको, जसले सधै झै जम्ने गरेको फोहोरी धुलो पुछ्ने साहस गरेको छ ।

सती प्रथाका बारेमा कलात्मक र ओजपूर्ण तरिकाले तयार गरिएको झोला चलचित्र हेर्नका लागी बासले
बिशेष व्यबस्था मिलाएको । उक्त अवसरका लागी सिमित सिट रहेकोले बासमा व्यबस्थान गरिएको टिकट बकिङ्ग गर्न अनुरोध समेत गरिएको छ । झोला ईन्टरनेशनलको सहभागीतामा मिडिया फर कल्चर प्रा.ली.को प्रस्तुतीमा उक्त चलचित्र निर्माण गरिएको हो ।