चाउमिन तथा सस उद्योगमा ७० करोड रुपैया लगानी

बुटवल १८ पुस– ताजा चाउमिन तथा सस उद्योग व्यवसयी महासंघ नेपालको दोश्रो वार्षिक साधारणसभा बुटवलमा हुने भएको छ ।
पुस २० गते सनिवार बुटवलमा साधारणसभा हुन लागेको हो । महासंघले विहिवार वुटवलमा पत्रकार सम्मेलन गरी साधारणसभाको तयारी गरिएको  जनाएको हो । महासंघका अध्यक्ष प्रेमलाल पाण्डेले व्यवसायीहरुको समस्या समाधान गर्दै हकहितको लागी महासंघको स्थापना भएको बताए । साधारणसभामा मुलुकभरका करिव २ सय व्यवसायी सहभागी हुने उनले वताए ।
महासंघले ४५ जिल्लामा आफ्नो संजाल विस्तार गरेको छ । कार्यक्रम संयोजक तथा महासंघका उपाध्यक्ष चन्द्रवहादुर रोकाले महासंघमा करिव २ सय ७० चाउमिन उद्योग तथा १ सय ४० सस उद्योग रहेका छन । ति उद्योगमा करिव ७० करोड रुपैया लगानी भएको बताईएको छ । महासंघका महासचिव भानुभक्त भण्डारीले कच्चा पदार्थमा वढ्दो महगी उर्जा संकट र दक्ष जनशक्तिको अभाववाट चाउमिन तथा सस उद्योग पनि अछुतो नरहेको बताए । महासंघका कोषाध्यक्ष भुमिश्वर पौडेलले राज्य स्तरवाट पाउुनपर्ने सुविधा लगायतको विषयमा महासंघले आवाज उठाई रहेको बताउदै साधारणसभामा पनि उद्योगीहरुको समस्याको विषयमा छलफल गरिने जानकारी दिए ।