अधिकारी महासेनानीमा बढुवा

काठमाडौं  २३ माघ।  नेपाली सेनाका उपसेनानी यमबहादुर अधिकारी महासेनानीमा बढुवा भएका छन।
एमाओवादीका पूर्व लडाकूहरु अधिकारीकै नेतृत्वमा नेपाली सेना समायोजन भएको थिए । अधिकारी हाल राष्ट्रिय विकास तथा सुरक्षा निर्देशनालयमा कार्यरत छन् ।
 मन्त्रिपरिषद्को बिहीबारको बैठकले अधिकारीको बढुवा गरेको सरकारका प्रवक्ता एवम् सूचना तथा सञ्चारमन्त्री माधवप्रसाद पौडेलले जानकारी दिए । सेना समायोजन सम्वन्धी सहमति अनुसार नै अधिकारीको बढुवा भएको हो । दलहरुबीच समायोजनमा गएका पूर्व लडाकूमध्ये अधिकृतको तालिम पूरा गर्नेमध्येबाट एक जनालाई महासेनानी बनाउने सहमति भएको थियो, जुन पूर्व लडाकूले पाएको सबैभन्दा ठूलो पद हो । मन्त्रिपरिषद् बैठकले सहायकरथी रमीन्द्र क्षेत्रीलाई मानार्थ उपरथीमा बढुवा गरेको छ ।