बुटवल ।  विद्यार्थीहरुको प्रतिभा उजागर गर्ने उदेश्यले एसएलसी ट्यालेन्ट हन्ट हुने भएको छ । 

 शुभम् इभेन्ट म्यानेजमेण्ट प्लानिङ्ग एण्ड मार्केटिङ्ग प्रा. लि.बुटवलको आयोजनामा एस एलसी ट्यालेन्ट हन्ट हुन लागेको हो ।  नृत्य, गायन, वाद्यवादन, एकेडमी लगायतको  विद्यामा प्रतिभाहरुलाई टयालेन्ट हण्डको प्रतिस्पर्धामा उतारिने प्रालिका म्यानेजर  दिपक शर्माले जानकारी दिए । उनका अनुसार प्रतिभा छनोटको लागी ६ स्थानमा अडिशन हुने छ । 

बुटवल, भैरहवा ,  परासी , तोलिहवा , तानसेन र दाङ्गमा   अडिशन हुने म्यानेजर शर्माले पत्रकार सम्मेलनमा जानकारी दिए ।  जसको लागी भोली सोमबारदेखी  सहरका विभन्न ठाउमवाट फाराम बितरण  गरिदै छ ।  चैत १५ , १६ , १७ गते भैरहवामा, १९ र २० गते परासीमा, २२ , २३ गते पाल्पामा ,  २५ र २६ गते तौहिवामा , २८  र २९ गते दाङ्गमा  र बुटवलमा बैसाख््  १, २ , ३ गते पहिलो चरणको अडिशन हुने जनाइएको छ ।  ति अडिशनमा १० हजार जनालाई सहभागी गराउने आयोजकले लक्ष्य लिएका छन । १० हजार जना प्रतियोगी सहभागीवाट ५० जना छनोट गरी तिनीहरु लाई टे्निङ दिईने तथा प्रतिभाको मुल्याङनको लागी राष्ट्यि स्तरको कलाकार ल्याईने बताईएको छ । छनोट भएका १० जनालाई आकर्षक पुरस्कार  प्रदान गरीने म्यानेजर शर्माले जानकारी दिए । 

 ट्यालेन्ट हन्टमा प्रथम हुनेले  प्रालिद्धारा सम्झौता भएका कलेजमा ११, १२ कक्षामा पुर्ण छात्रवृत्ति र २० हजार  नगद पुरस्कार प्राप्त गर्ने छन  । दोस्रो हुनेलाई अध्ययनमा  ७५ प्रतिशत छुट तथा १५ हजार नगद पुरस्कार,  तेस्रो हुनेलाई ५० प्रतिशत छुट र १० हजार नगद प्रदान गरिने छ  ।    प्रतियोगता सहभागी हुनको लागी फाराम सुल्क ५ सय रुपया कायम गरिएको छ ।   फारम  भरेका बिधार्थीहरुले  प्रालीले सम्झोता गरेको कलेजमा भर्ना हुदा सूरु मै ५ प्रतिसत छुट पाउने छन । एसएलसी ट्यालेन्ट हन्ट सम्पन्न गर्न करिव २५ लाख रुपैया खर्च हुने अनुमान गरिएको छ ।